Chan Chan og filmsvinna

buena-vista-social-clubLeygarkvøldið 10. september kl.23 verður filmurin Buena Vista Social Club sýndur í Ostahúsinum. Eg fari at siga nøkur orð um filmsvinnu í Føroyum beint undan sýningini. Her er ein lítil upphiting til filmin í annaðkvøld.

Fyrstu ferð eg hoyrdi um Buena Vista Social Club (BVSC) var í 2000. Tað var á vetri, og tónleikurin kom sum ein fjálg heilsan av Kuba í køldu, myrku tíðini. Knappliga kendi eisini meginparturin av mínum vinaskara latínamerikanskan tónleik og lurtaði eftir honum, tey flestu á fyrsta sinni.

Tað var ikki av tilvild, at Ibrahim Ferrer og gomlu tónleikararnir hinumegin Atlantshavið hugtóku kritahvítar tannáringar í Evropa akkurát um ártúsundaskiftið. Tí árið fyri stjórnaði Wim Wenders filminum um BVSC við sama heiti. Og tað var fram um alt heimildarfilmurin um autentisku tónarnar úr Havanna, sum lat eygu og oyru upp fyri BVSC. So stóra ávirkan kann filmur hava, tá ið ikki bara myndirnar – men eisini frásøgnin – er livandi.

Føroysk filmsvinna og Wenders
Har sótu vit um 16 ára aldur í kalda Norðurevropa. Rom á borðinum, tjúkkur sigarroykur í luftini og Chan Chan úr hátalarunum. Vit livdu okkum inn í henda serliga heimin, sum kubanararnir gandaðu fram við ljóðførunum.

Og nú fer at standa filmshyggjarum í boði at liva seg inn í føroysku náttúruna í biografum væntandi bæði eitt og annað stað í heiminum. Tí nú hesin sami Wenders hevur verið í Føroyum og gjørt upptøkur til komandi spælifilmin, verða Føroyar sjónligari úti í heimi, og vónandi fer hetta eisini at draga aðrar filmsverkætlanir henda vegin.

Framsókn sær stórar møguleikar í filmi í Føroyum. Tað nælir, og nú skulu spírarnir vætast. Filmur styrkir og bjóðar okkara samleika av og gevur okkum ein tvørskurð av samtíðini. Filmur er eisini vinna, sum alsamt fleiri fólk kunnu liva av. Ferð skal setast á filmsvinnuna, og kommunan hevur eisini sína uppgávu. Hvør uppgávan er, fara vit í Framsókn at siga tykkum nú hvørja løtu.

Filmur og Framsókn
Umframt at føroyski samleikin fær gagn av íløgum í film, verða nýggj størv skapt í eini skapandi vinnu, og so fara serliga útlendskar verkætlanir, sum verða lutvíst tiknar upp í Føroyum, at skapa vitan um land okkara, og hetta gagnar ferðavinnuni og okkara høvdum og hondum.

Sangurin Chan Chan, sum er at hoyra í filminum BVSC, snýr seg um parið Chan Chan og Juanica, sum eru í fer við at byggja hús og eru farin til sjóvarmálan eftir sandi. Her hjá okkum byggja filmsleikstjórar, myndafólk, leikarar, framleiðslufólk, hjálparar og  onnur upp eina føroyska filmsvinnu.

page1
Hesa vikuna eru filmsdagar. Filmsfelagið og Hyggasíggj skipa fyri. Í Ostahúsinum verða bara sýndir filmar eftir Wim Wenders, og leygarkvøldið 10. september kl.23 er Buena Vista Social Club at síggja. Gakk inn í smoguna millum Perluna og Reinsaríið, so kemur tú fram á Ostahúsið.

img_5523-2Ostahúsið og Gudmund Helmsdal frá Hyggasíggj.

Skriva eitt aftursvar

Fill in your details below or click an icon to log in:

WordPress.com Logo

You are commenting using your WordPress.com account. Log Out / Broyt )

Twitter picture

You are commenting using your Twitter account. Log Out / Broyt )

Facebook photo

You are commenting using your Facebook account. Log Out / Broyt )

Google+ photo

You are commenting using your Google+ account. Log Out / Broyt )

Connecting to %s