Hugsjónarliga er Høgni Reistrup liberalur fullveldismaður, og hann er ein nýggj rødd á politiska vígvøllinum.
Høgni greinar politisku skipanina, vísir á viðurskifti, ið avmarka okkara virkisfrælsi, og setur kós, vit eiga at halda ímóti fullveldinum Føroyum.
FRAMTÍÐIN ER OKKARA er í fimm pørtum, ið m. a. snúgva seg um at byggja eitt opið og rúmligt samfelag, sum húsast við egnum tilfeingi, sum ikki fær óneyðugan peningastuðul uttaneftir, sum loyvir fleiri fram at ríkidøminum, um fólkavøkstur, útbúgvingarmøguleikar og ikki minst samhandil.
FRAMTÍÐIN ER OKKARA er um týdningin at hava ræði á egnum viðurskiftum, og at tað ber ikki til at lata framtíð okkara upp í hendurnar á øðrum at umsita. Ta uppgávuna eiga vit sjálv, og hana megna vit sjálv við tí tilfeingi og tí førleika, ið er her í landinum. Bókin er eitt stak væl grundað íkast til politiska kjakið í Føroyum. Hon fæst til keyps á sprotin.fo